नायगाव येथील शरदचंद्र महाविद्यालयाच्या प्राचार्यपदी : प्रो. डॉ . बलभीम वाघमारे यांची नियुक्ती……
रघुनाथ सोनकांबळे…….
नायगाव बा. येथील शरदचंद्र कला , वाणिज्य व विज्ञान महाविद्यालयाच्या प्राचार्य पदी राज्यशास्त्र विभागाचे प्रमुख प्रो.डॉ .बलभीम वाघमारे यांची संस्थेचे अध्यक्ष खा.रवींद्र वसंतराव चव्हाण यांनी त्यांची नियुक्ती केली आहे . डॉ . वाघमारे यांना संस्थेचे सचिव केशवराव बळवंतराव चव्हाण यांनी शाल व पुष्पहार देऊन मावळते प्राचार्य डॉ .हारी बाबु यांच्याकडून पदभार देण्यात आला . यावेळी संस्थेचे संचालक माधवराव बेळगे हे उपस्थित होते . मावळते प्राचार्य डॉ . के .हरीबाबू हे नियत वयोमानानुसार सेवानिवृत्त झाल्यामुळे त्यांच्या जागी संस्थेने प्रो.डॉ .बलभीम जे .वाघमारे यांची नियुक्ती केली . प्रो. डॉ.बलभीम वाघमारे हे या महाविद्यालयातील राज्यशास्त्र विभागात मागील 34 वर्षापासून कार्यरत आहेत.त्यांनी अनेक समाज प्रबोधन पूरक व्याख्याने दिली असून त्यांचा पिंड हा समाजसेवेचा राहिला आहे .
सदरील कार्यक्रमास मावळते प्राचार्य डॉ.के हरीबाबू , उपप्राचार्य डॉ . श्याम पाटील प्रो. डॉ .श्रीरंग वट्टमवार IQAC समन्वयक डॉ. सिद्दिकी एम. एस .NAAC डॉ.एस.एस.अंजनीकर माजी कार्यालयीन अधीक्षक .प्रशांत बिलोनीकर व महाविद्यालयातील सर्व प्राध्यापक व शिक्षकेत्तर कर्मचारी उपस्थित होते . या कार्यक्रमाचे सूत्रसंचालन अर्थशास्त्र विभाग प्रमुख प्रा .डॉ . गोविंद रा .परडे यांनी केले ,तर आभार हिंदी विभाग प्रमुख प्रो. डॉ .श्रीरंग वट्टमवार यांनी मानले .
