Latest Newsआपला जिल्हानांदेडमहाराष्ट्र
कवळे पतसंस्थेचा सतत प्रगतीचा आलेख — २४ व्या वार्षिक सर्वसाधारण सभेपर्यंत विश्वासार्ह प्रवास..
रघुनाथ सोनकांबळे……
नांदेड जिल्ह्यातील कै. व्यंकटराव पाटील कवळे बिगर शेती सहकारी पतसंस्थेने नुकतीच आपली २४ वी वार्षिक सर्वसाधारण एमव्हीके वाघलवाडा सभा पार पडली असून, आर्थिक क्षेत्रात उल्लेखनीय प्रगती साधली आहे. यंदा एकूण व्यवसायात २३% वाढ नोंदवली गेली असून, निव्वळ नफा ₹७६.४६ लाखांपर्यंत पोहोचला आहे. यामुळे १५% लाभांश देण्याची शिफारस करण्यात आली आहे.
संस्थेच्या ठेवी ₹२९३.४१ कोटी, स्वनिधी ₹१२.७१ कोटी आणि कर्जवाटपातून येणारी रक्कम ₹१८८.७३ कोटी इतकी असून, आर्थिक सक्षमता आणि शिस्त दाखवणारे हे आकडे मानले जात आहेत. यावर्षी ५,२७७ नव्या सभासदांची भर पडली असून, एकूण सभासदसंख्या आता ४३,९२४ वर पोहोचली आहे.
संस्थेच्या २० शाखा, ज्यात मुख्य कार्यालयही नवीन मोंढा नांदेड येथे समाविष्ट आहे, पूर्णपणे CBS प्रणालीवर कार्यरत असून, AEPS आणि मिनी एटीएमद्वारे सदस्यांना ₹१०,००० पर्यंत रक्कम काढण्याची सुविधा उपलब्ध करून देण्यात आली आहे.
NPA प्रमाण केवळ २.६४% असून, निव्वळ NPA शून्य आहे. ‘अ’ दर्जा मिळवलेली ही संस्था १००% संचालक व कर्मचारी प्रशिक्षण पूर्ण करून दर्जेदार सेवा देण्याचा आश्वासन देते.सामाजिक क्षेत्रातही संस्था पुढाकार घेत आहे. अपघातग्रस्तांना मदत, शाळांना संगणक व प्रोजेक्टर वाटप, तलावांची गाळमुक्ती आणि नालासंवर्धन यांसारख्या उपक्रमांमुळे संस्था सामाजिक जबाबदारी निभावत आहे.
