नांदेड नरसी महामार्गावरील सागर ज्यूस सेंटर मध्ये घुसली ईरटीका गाडी… सुदैवाने कोणतीही जीवित हानी झाली नाही………

रघुनाथ सोनकांबळे…

नांदेड नरसी महामार्गावर रजा फंक्शन हॉलच्या बाजूस असलेल्या सागर ज्यूस सेंटर मध्ये अचानक चुकीच्या मार्गाने आलेल्या ईरटीका कार चालकाचा ताबा सुटल्याने सदर गाडी या महामार्गावर असलेल्या ज्यूस सेंटरमध्ये घुसली असून तिचा गाडी क्रमांकMH 12 CE 63 75 असा आहे.

अपघात घडला त्यावेळेस बाजूस असलेल्या रजा फंक्शन हॉलमध्ये लग्न समारंभाचा कार्यक्रम असल्याने सदर ज्यूस सेंटरमध्ये कोणतीही गर्दी झाली नव्हती.

आणि  ज्यूस सेंटरच्या काउंटरवर सुद्धा कोणीही व्यक्ती नसल्याने सुदैवाने कोणतीही जीवित हानी झाली नाही. परंतु सदर हा अपघात एवढा विचित्र झाला आहे की पाहताच क्षणी एखादा तरी इसम दगावला असेल असे चित्र दिसत आहे.

आज दुपारी सदर अपघात घडला असून अजून तरी कोणीही पोलीस किंवा संबंधित चौकशीला या ठिकाणी आले नसुन ज्यूस सेंटर मधील कोल्ड्रिंक्सचे मोठे नुकसान झाले असल्याचे ज्यूस सेंटरचे मालक सलीम मोहम्मद इब्राहिम यांनी सांगितले आहे.

असे असले तरी अपघात झाल्या झाल्या सदर वहानचालक  व त्या वाहनात असलेले तरुण युवक नरसीकडे पळून गेल्याचेही सलीम इब्राहिम यांनी सांगितले आहे.